كلمات ترنيمة أنا عارف أن الحاجة ليك *

تنسيق مختلف من موقع الأنبا تكلا

(1) أنا عارِف انّ الحاجه ليك
فيك الشِّبَع راحه وسلام
أجمل مكان قُربَك وفيك
هاسمَع وادُوق أحلى الكلام

(ق) حرِّيِّتي راحتي وأماني عند رجلِيك
وِفرحِتي شِبَعي وضماني يا غالي فيك

وِجَلسِتي ف قُربك نِعَم دايمًا تدُوم
مِحتاج اعيش ربِّي في قُربك كُلّ يُوم

(2) وَجَعِي يِزيد لو يُوم اسِيب
ربِّي مكاني وَانشِغِل
عنَّك بِعيد وِانت النَّصيب
لمَّا باغيب مِش باحتِمِل

(3) ليه أشكِي من حرّ النَّهار
أو أحيا في الجوع وِالعطَش
حَقِّي أدوق أحلى الثِّمار
وانا تحت ظِلَّك وانتِعِش