أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة هيشجع قلبك *

 

1- ربنا مهتم بتفاصيلك         وهاينقذ قلبك ويجيلك

وفي اسرع وقت ما تقلقش (2)

 

هايحاوطك جداً بحمايته         دا اللي ماحسش مره رعايته

(يبقى ما شافش حنان ولا داقش) (2)

 

القرار:

الخوف لو قرب أو صابك       والهم إن كان متمسك بيك

إستنى يسوع وإفتح بابك        هايشجع قلبك ويقويك (2)

طول ما انت معاه دايماً في النور  هيطيب خاطرك لو مكسور

هايشق قصادك أي بحور       وهايمسك إيدك ويعديك

 

2- عمره ما سابك مره لوحدك     لو كل الناس وقفت ضدك

هايكونلك أب وحضن كبير (2)

 

حارسك في دخولك وخروجك  وان زاد الشر وهاج موجك

(هايرسي سفينتك وسط الخير) (2)

 

3- ملجأ في الضيقة ينجيك     ويشيل الحمل اللي عليك

دا عينيه على راحتك ما نامتش (2)

 

لو كل الاخبار مش سارة        أو حسيت بالظلم في مرة

(هايعوض قلبكما تخافشِ) (2)

 

4- صلي يدبر كل أمور         إطلب منه حكمة ونور

ويقود كل طريق تمشيه (2)

 

وان حسيت انك متساب         مقفولة قصادك أبواب

(شوف نقشك على كف إيديه) (2)

 

5- مهما وقعت كتير في اليوم  إمسك تاني في إيده وقوم

هاتحس معاه بحب عظيم (2)

 

التعبان وياه بيرتاح               واللي ماضيه مهدده بجراح

(يمحيه وينسى كل قديم) (2)

____________________
* كلمات: مينا عاطف - ألحان: سامح نبيل - الأوبريت من ترنيم: إيريني نبيل - جرجس سعد - سماح ميلاد - ماركو ميشيل - نيفين فوزي - مكاري القمص - مرثا ميلاد - توماس نظير - كرستينا كرم - كيرلس ثروت.

---