أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة أنا متطمن أنك جنبي *

 

1-    أنا متطمن أنك جنبي              شايفك وسط الضيقة قريب

فوق الوعر شايلني وقلبي        دايماً يا يسوع واثق فيك

كنت صغير وانت شايلني        شددتني قوتني إيديك

علمتني في الشدة أغني       وأبقى شجاع في الحرب جريء

 

القرار

وإزاي تبقى إلهي وأخاف         وانا منقوش على كف إيديك

ده انا متشال فوق الأكتاف         وف قلبك وفي نني عينيك (2)

(ده اللي بيلجأ ليك يرتاح           وبأفراحك تسكن فيه) (2)

 

2-    باسمك باكسب كل حروبي       ودايماً وقت الضيق بادعيك

وباسيب عندك كل حمولي        وبارمي تكالي وهمي عليك

وانت بتفضل أب حنين       عمرك ما بتختفي في الضيق

ياما نيران هبت حواليا       صرخت يا ربي .. طفيتها إيديك

 

3-     بابقى في وسط الجب وعارف        ان خلاصي قريب وأكيد

زي ما خلصتني في الماضي           هارجع تاني وهاشهد ليك

وياك انا ع الموج العالي                دست عليه بقربك وعليت

وهاخاف ليه من شكل الميه            طول ما عينيا يا رب عليك

____________________
* ترنيم: كورال مار إفرام السرياني.

---