أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة أيام الخليقة: دو رى مي *

 

(دو رى مي فا صول لا سي               سبع نغمات تعمل ألحان

هتعرفنا سبع تيام         في عمر الخليقة زمان) (2)

 

دو دول السموات والأرض          مع النور في أول يوم

رى راحت المية ف حتة            مفصولة عملت غيوم

سمى الله الجلد سما               كل ده في تاني يوم

 

مي مية تحت السما              اجتمعت ظهرت يابسة

واليابسة بقى اسمها أرض           والمية في بحور تتحط

ومن الأرض نبت العشب           تالت يوم بذور وحب

 

فا في السما أنوار         تفصل بين ليل ونهار

شمس وقمر ويا نجوم        كل ده في رابع يوم

 

صول صوصوت العصافير        خامس يوم الطير بيطير

والتنين العظيم            ودواب بتاكل برسيم

سمك سمكمك متهنية        وحيتان بطشطش في المية

 

لا الله خلق الانسان               حطه في الجنة فرحان

وع الطبيعة والحيوان        اداله اجمل سلطان

خرجت بهايم ووحوش               منهم أبداً ما تخافوش

كل ده في اليوم السادس             باقي يوم ما عرفتوش

 

سي استراح الله           من كل اعمال يديه

في اليوم السابع خلصنا              النغمة كلها فيه

 

(دو رى مي فا صول لا سي               سبع نغمات تعمل ألحان

هتعرفنا سبع تيام         في عمر الخليقة زمان) (2)

دو أول يوم .. رى تاني يوم        مي تالت يوم .. فا رابع يوم

سول خامس يوم .. لا سادس يوم               سي سابع يوم .. سبع نغمات عملت ألحان

عرفتنا سبع تيام          في عمر الخليقة زمان

دو رى مي فا صول لا سي         سبع نغمات تعمل ألحان

عرفتنا سبع تيام          في عمر الخليقة زمان

 

(دو رى مي فا صول لا سي               مي دو سي لا صول لا صول فا

رى مي فا رى فا صول لا          سي لا صول فا صول فا مي) (2)

____________________
*

---