تماجيد ومدائح الشهداء والقديسين المكتوبة

كلمات تمجيد أبونا فانوس الأنبا بولا: في مدينة الأفراح *

في مدينة الأفراح        قائم مع السواح        بدون دموع وجراح        طوباك يا أبونا فانوس

ببلاد الصعيد        في المنيا بالتحديد        ولد قديس فريد        طوباك يا أبونا فانوس

مثل بولس، هارون        ولد الأب الحنون        حياته كغصن زيتون        طوباك يا أبونا فانوس

رضع لبن الإيمان        ومنذ صغرُه كان        بالنعمة قلبه مليان        طوباك يا أبونا فانوس

بدير أنبا بولا البار        بعد فترة اختبار        ثلاث سنوات باقتدار        طوباك يا أبونا فانوس

زكَّاه كل الرهبان        صار بركة للمكان        ونور عبر الزمان        طوباك يا أبونا فانوس

عاش حياته كغريب        واختار أفضل نصيب        مع يسوع الحبيب        طوباك يا أبونا فانوس

كذبيحة حب مرضية        عاش حياة تقية        في خدمة يسوع فاديَّ        طوباك يا أبونا فانوس

كان صورة المسيح        ذاك الوجه الفريح        يداوى كل جريح        طوباك يا أبونا فانوس

عاش نقاوة القلوب        من الجميع محبوب        الخاطى بإرشاده يتوب        طوباك يا أبونا فانوس

بالفراجية والمنديل        وبساطه ملهاش مثيل        عاش وصايا الإنجيل        طوباك يا أبونا فانوس

قلبه كقلب الأطفال        دايمًا طويل البال        يسعى نحو الكمال        طوباك يا أبونا فانوس

روحانية ويا صلوات        شفى كتير من الأمراض        وعمل معجزات        طوباك يا أبونا فانوس

حياته صلاة وبخور        وإيده بتشع نور        في شيخته كان وقور        طوباك يا أبونا فانوس

راهب بسيط زاهِد        متوحد ومجاهد        لشهوات العالم رافض        طوباك يا أبونا فانوس

يُطعِم الحيوانات        وياكل من اللي فاض        رافضاً الملذات        طوباك يا أبونا فانوس

وعلى الأرض ينام        مُتقشف في الطعام        قلبه ما بيعرف خِصام        طوباك يا أبونا فانوس

يبكي دايمًا بدموع        أمام الرب يسوع        على خطايا الجموع        طوباك يا أبونا فانوس

في أصعب الأوقات        يشكر صانع الخيرات        على كل الضيقات        طوباك يا أبونا فانوس

حقًا كان سراج        بمحبته قد أضاء        كنجمًا في السماء        طوباك يا أبونا فانوس

يليق المديح والتطويب        بأبونا فانوس الحبيب        كان فِي صفاته عجيب        طوباك يا أبونا فانوس

وبعد سيرة ملائكية        فازَ بالأبدية        بأورشليم السمائية        طوباك يا أبونا فانوس

اذكرنا على الدوام        نحن وكل القائمين        الحُضَّار والغائبين        طوباك يا أبونا فانوس

تفسير اسمك في أفواه         كل المؤمنين         الكل يقولون يا إله         أبونا فانوس أعنا أجمعين

____________________
* كلمات: مينا سعيد.
* تم تعديل البيت الأخير من قبل الموقع بإضافة كلمات "الحضار والغائبين" لتناسب أي من المسبحين.

---